Erreala 1 - 2 Sevilla

Partidu kaxkarra jokatu du gaur Errealak Anoetan, eta hori giroa benetan bikaina zela futbolerako ( armailak beteri, eguzkia, beroa...). Partidu ia osoan zehar Sevilla taldea izan da nagusi berdegunean eta hortaz ezer gutxi esan liteke emaitzari dagokionean. Hiru golak bigarren zatian izan dira. Lehena sevillarrek sartu dute kontraeraso azkar baten ostean eta handik minutu batzuetara bigarrena iritsi da penalti bati esker. Penaltia Rekartek eragin du atera zihoan baloi bat eskuarekin geratzean. Hau dela eta bi gol atzetik joateaz gain jokalari bat gutxiagorekin geratu dira donostiarrak.
Amaieran Nihat zelaira atera da baina denbora gutxirako, izan ere epaileak txartel gorria erakutsi baitio falta inozo bategatik. Zorionez bigarren zatian aterata zen Garik jokaldi bikain baten ostean Errealaren gol bakarra eskuratu du defentsaren laguntzarekin.
Partiduak ez du besterik izan eta zertxobait gehiago itxaron beharko dugu salbazioa eskuratzeko. Ea ahalik eta lasterren den.

Astebururako agenda

Hemen dugu berriro ere futbola eta nola ez blogak asteburuan izango diren partiduen ordutegia dakarkizu. Espero dezagun gure taldeek partidu politak joka ditzatela. Besterik gabe astebukaera atsegina izan dezazuela:

LARUNBATA
Femeninoa

Amara Berri K.E. - Allerru 15:30etan Martutene (Donostia)

Erregionala

Elgoibar C.D. - Amara Berri K.E. 16:30etan Mintxeta (Elgoibar)

Tejidos

Cabo Rojo-Pyxies - Tejidos Jimenez 19:00etan Zubieta 2

IGANDEA
Berio

Berio F.T. - Mondragon C.F. 12:30etan Berio (Donostia)

Link berri bat jarri dugu

Gaurtik aurrera webgune berri batekiko harremana estutuko dugu honen helbidea gure link-en artean jarriaz, konkretuki Eneko (Jopkins) jaunaren orrialdeaz hitzegiten ari gara. Bertan argazki bikainak aurkitu ahalko dituzute, horien artean Biarritzen partidakoak eta aurreko astean enpresarialeseko "festan" egon ginenekoenak ere bai. Hona hemen helbidea:

Enekoren tokia

Atzoko argazkiak

Aurreko albistean iada aipatua genuen gure erreportariek argazki ugari burutu zituztela Biarritzen partiduan zehar. Bada hementxen ditugu horietako batzuk, kasu honetan Toki jaunaren eskutik. Aipatu azken argazkian agertzen den gaztea ez dela Punzz, jarraitzaile ingeles bat baizik. Antzekotasuna izugarria da. Hortaz eskerrak eman Tokiri argazki bikain hauengatik, goza itzazue.

Egun handia atzokoa

Egun bikaina izan atzokoa euskal taldeentzat. Lehenik Biarritzek partidu garrantzitsua zuen Bath talde ingelesaren aurka europako txapelketako finalerdian, eta ez zuen huts egin. Partidua ez zen ona izan baina azkenean lortu zen helburua eta BO-k txapelketako finala jokatuko du Cardiff-eko Millenium Stadium-an maiatzaren 20an. Finalean aurkari izango duen taldea jakiteke dago oraindik, baina ziurra den gauza bakarra talde irlandar bat izango dela da, izan ere beste finalerdia Munster eta Leisterren artekoa da.

Jakina da baita ere gazte asko joan zirela partida ikustera, eta jokoa atsegina ez zela ikusirik beste ekintza motetara dedikatu ziren (Gaucho). Zorionez argazkiak ere atera zituzten eta ahalik eta azkarren jartzen saiatuko gara.

Eguneko beste momentu garrantzitsua Errealaren eskutik zetorren. Denok bagenekien Vila-realek ez zuela burua guztiz partiduan edukiko Championseko partidua hortxe baitute, baina inor gutxik espero zuen 3 puntuak horrenbesteko erraztasunez lortzea. Partidua ez zen ona izan, baina une hauetan hori da gutxienekoa. Markagailua Mikel Alonsoren jaurtiketa bortiz batek estreinatu zuen, hori bai, atezainaren laguntzarekin. Bigarren gola ere lehen zatian etorri zen, honako hau ere aurkariaren laguntzarekin, Mark Gonzalezen falta jaurtiketak hesia jo eta atezaina engainatuz barrura joan zelarik. Ez zen besterik izan El Madrigal futbol zelaian atzo, taldeak ongi eutsi baitzion markagailuari.

Garaipen honi esker Errealak sekulako aurrerapausoa egin du hurrengo urtean lehen mailan jarraitzeko. Iadanik 38 puntu ditu eta zertxobait ihes egitea lortu beheko infernutik. Lau partiduren faltan ezin kexa gaitezke egoeraz, batit bat duela hilabete zegoen panoramarekin alderatuta. Besterik gabe, AUPA ERREALA !!!

Erregionalen sailkapena

Hemen dugu berriro ere Mistaren eskutik jokalarien batazbestekoen taula. Iada partidu gutxi geratzen dira eta taldeak iada ziurtatua du hurrengo urtean lehen mailan egondo dela, honegatik espero dugu notek jokalariak motibatzea eta honi esker partidu ederrak ikustea. Besterik gabe hona hemen taula:

Mistaren eskutik.

Errealak 1 - 0 Racing

Atzo errealak sekulako aurrerapausoa egin zuen aurkari zuzen den Racing-i irabaztean, hiru puntuei esker jeitsiera postuetatik irtenaz. Partidua kaxkarra izan zen guztiz, bi taldeen jokoak argi islatzen zuen sailkapenaren behealdean zergatik dauden. Errealak ordea Racing-engandik bereizten duen gauza bat du, Mark Gonzalez jauna. Bazirudienean partidua hutsean amaituko zela hortxe agertu zen txiletarra sekulako bolea ate barrura sartzeko. Hau izan zen Errealaren aukera bakarra bigarren zati osoan. Hortaz, merezi gabe baina hiru puntuak Donostian geratu ziren eta aste batez bada ere lasai arnasa hartu ahalko dugula. Erreala berriz lehen mailan dugu!

Hamaikakoak:

Erreala: Riesgo; Rekarte, Ansotegi, Labaka, Garrido; Xabi Prieto (Mikel Alonso, m. 80), Novo (Stevanovic, m. 73), Garitano, Mark González; Nihat (Gari Uranga, m. 55) y Skoubo. RACING DE SANTANDER: Aouate; Pinillos, Oriol, Pablo Alfaro, Ayoze; Damiá (Antonio Tomás, m. 71), Vitolo (Pinilla, m. 77), Matabuena (Juanjo, m. 83), Serrano; Felipe Melo y Antoñito.

Golak: 1-0: Mark González (m. 75).

Inzidentziak:

24.744 ikusle. Diru-bilketa: 5.755 euros. Partidu aurretik minutuko isilunea burutu zen zuzendari ohi baten eta bazkide zein akzionista zen beste baten omenetan.

Gaur denok Anoetara!

Denok jakingo duzuen bezala gaur oso partidu garrantzitsua du Errealak Racing-en aurka. Norgehiagoka erabakiorra izan daiteke gure taldearen etorkizunari begira, pauso garrantzitsua izan daitekeelarik jeitsiera postuetatik ihes egiteko. Partidua 20:00etan hasiko da eta armailak jendetsu izango direla espero da sarrerak iada amaiturik baitaude. Epaile jauna Megia Davila izango da.

Abisatu ere bai partida ostean Dj Polen eskutik festa izango dela lokalean, nahi duena animatu dedila, sarrera librea da.

Egin zeuon proposamenak blogerako

Igandetik aipatuz gabiltza zein gauza egin ditzakegun blogean jendea idaztera animatzeko eta nola ez hemen zeuek duzute hitza. Hortaz webgunea hobetu dezaketen ideiak egitea eskatzen dizuegu albiste honen bidez. Interesgarria adibidez Unaiek proposatu duen inkestatxoa eta baita jartzen ari diren puntuazio famatuak, gai orori zuzenduak gainera. Ba hori, anima zaitezte zuen eritzi edo kritikak idaztera.

Amara Berri 3 - 0 Legazpiko Gaztetxea

Partidu benetan lotsagarria gaurkoa non emaitzak ez duen inolaz ere norgehiagokan gertatutakoa islatzen. Bagenekien aurkariak txarrak zirela (azkenak doaz) baina gaur Amara Berri bere mailan jarri eta joko itsusia erakutsi du. Partidua oso trabatua izan da, bi taldeen partetik huts asko ikusi direlarik. Lehen gola lehen zatian eskuratu du Albertok eta honela amaitu da lehen zatia.
Bigarren zatiak berdin jarraitu du, joko txarra eta aukera gutxi. Hori bai, aukera gehienak lehen minutu hauetan legazpiarrek izan dituzte baina zorionez Berrok gelditu bikainak egin ditu berdinketa salbatuaz. Partida amaieran taldeak kontraeraso ugari izan ditu eta honela iritsi dira Jokinen bi golak.
Esan bezala gaur taldea eguraldiaren pare izan da, triste eta hotz. Ea azken partidetan itxura hobetzen den eta jokaldi onak ikusteko gai garen. Jarraian partidako bideoak eta argazkiak.

Partiduko notak:

Berro 9: Segurtasun handia.Partidua salbatu du bere geldiketekin.

Montoya 4: Partidu txarra

Joxe 4: Partidu txarra

Asteinza 4: Partidu txarra

Espi 4: Partidu txarra

Alberto 7: Garrantzi handiko gola lehen zatian.Legazpikoek ondo ari ziren jolasten momentu horretan.Nahiz eta bere partidua taldekideen mailakoa izan, golak dira futbolean garrantzi gehien dutena.

Jonan 4: Partidu txarra

Sancho 4:Partidu txarra

Toki 4: Partidu txarra

Jokin 8: Ez da batere erraza partidu batean 2 gol sartzea.Bere partidua ez da ona izan.

Edu 4: Partidu txarra

.....................

Mozto 4: Partidu txarra

Galarraga 4: Partidu txarra, asistentzia bat.

Niko 4: Partidu txarra

Miguel 4: minutu oso gutxi

Jokinen golak

Galarraga jaunarentzat

Nobedadeak futbolzaleaken!

Berandu xamar ezarri dudan arren azkenean lortu dut bisita zenbatzaile bat ezartzea blogean. Hemendik aurrera bloga bisitatzen duten pertsona kopurua eta zenbait estatistika ezagutu ahal izango ditugu. Hau guztia orrialdearen amaieran ikuska dezakezute zenbakiaren gainean klik bat eginez. Ikusten duzuten bezala gure bloga indartuz doa.

Jaizkibelgo argazkiak

Iada hirugarren etapa amaitua delarik hementxen dakartza Pol jaunak Jaizkibelen hartutako argazkiak. Aipatu azken bi lasterketak Samuel Sanchez txirrindulari ausartak irabazi dituela, Euskalteli nolabaiteko lasaitasuna emanez ( uste dut oraindik garaipenik ez zuen ProTour-eko talde bakarra zela). Gaurkoan gainera etapa amaierako malda gogorran sekulako indarra erakutsiaz atzean utzi ditu gainontzeko arerioak. Goza dezagun beraz geratzen diren azken egunetaz eta zorte on tropelean guztiori.

Jaizkibelgo argazkiak

Mil esker berriro ere Poli bere argazkien esklusibagatik.

Aurrera Ondarroa 1-0 Amara Berri

Partiduko notak:

Berro 6
Joxe 6
Endika 5
Asteinza 5
Montoya 5
Pablo -
Niko 7
Sancho 6
Galarraga 4
Jonan 6
Aner 5
........................
Alberto 3
Jokin 5
Edu 6
Miguel 4

Biarritzen partidako argazkiak

Pol jaunari esker hemen ditugu Biarritzek igandean jokatu zuen partidako lau argazki, bertan ederki islatzen dira bizi izan zen giro aparta. Bestalde errieta txiki bat ere egin beharra diot, izan ere argazki bakoitzak 2 mega pisatzen ditu eta ezin ditut blogean jarri. Hau dela eta lauak zip artxibo batean bildu ditut eta honako helbidean ezarri ditut nahi duenak deskarga ditzan.
Txirrindularitzakoak bihar jarriko ditut, baina tamalez prozesu beraren bidez.
Hurrengo batean blogerako argazkiak atera nahi izanez gero erresoluzio txikienean ateratzea gomendatzen dizuet, honela gure orrian arazo barik ezarriak izan daitezen.
Hala ere mila esker Pol, argazki onak dira.

Igandeko argazkiak

Haseran segundu batzuk itxaron behar dira deskargatzen hasi aurretik, izan pazientzia.

FUTBOLZALEAK JAIZKIBELEN

Gaur arratsaldean jaizkibelen izan gara Euska Herriko itzuliko lehenengo etapa ikusten.Bertan izan garenak punzzzzzz, pol, toki, niko, sagas eta ni izan gara.
Eguraldi bikaina izan dugu eta etapa ere ikusgarria izan da.Azkenean, Valverdek lortu du etapa garaipena Freireren aurretik.Lehen Euskalduna Jon Bru izan da (8ª).
Esan beharra dago, tropelean punzzzzzzek sailkapen orokorrean 3. postua lortu duela.Zorte on guztioi trapelean!!!!!!
Polek argazki ugari atera ditu, bidaltzen dizkidanean jarriko ditut blogean.

Uhinak 5 - 0 Ez Dok Hamalau

Beno bada, amaitu dira iada aurtengoz hondartzako partiduak. Ez da sorpresarik izan eta EDHek ezer gutxi egin ahal izan du liderraren aurka. Giro paregabe bizi izan dugu gaurkoan, eguzkiak gozo berotzen zuen eta jende ugari bildua zen kontxako badia inguruan. Partgiduari dagokionean ez da gaizki hasi, izan ere EDHek ongi eutsi dio haseran arerioari. Esan beharra da baita ere hauek jokalari bat gutxiagorekin zirela, baina hala denok dakigu talde bikaina dela. Aipatu dudan bezala partidu hasera parekatua izan da, aukera gutxikoa bien partetik. Zoritxarrez ordea lehen zatia amaitu aurretik hiru gol jaso dituzte bata bestearen atzetik. Honek partidua erabat hautsi du eta handik aurrera ezer gutxi egin ahal izan da. Taldeak izan ditu aukera pare bat golen bat sartzeko, Punzz-ek zutoinera bota duen bat eta Pol-en jaurtiketa gaizto bat gertu izan dira markagailua estreinatzeko. Partiduko jokalari onena ohikoa den bezala Lertxundi jauna izan da, taldea porrot lotsagarri batetik libratu duelarik bere gelditu harrigarriekin. Bestalde goraipatu sekula baina zaletu gehiago izan dituela gaur EDHek.

Hortaz bukatu da EDHren lehen denboraldia. Honi errepaso eginez esan liteke taldeak asko duela ikasteke oraindik. Asko notatu da talde berria dela, esperientzi gutxikoa, honek gol inozo asko ekarri dituelarik. Estrategia aldaketak etengabeak izan dira beren jokoa bilatzeko asmoan, zoritxarrez emaitza onegirik gabe. Hala eta guztiz ere espero dugu lehen urte gogor honek hurrengo urteari begira baliozkoa izatea, taldea sendotuaz. Ea hurrengo urtean Area7 eta Uhinak-ekin lehiatzeko gai diren gure mutilak!