Behobia-Donostia 2010

Lasterketen denboraldiko probarik jendetsuena atzo ospatu zen. Aurtengo probarako 20.000 izen-ematetik gora zeuden arren azkenean 17.000 lasterkari inguru aritu ginen. Atzokoan gainera berriro ere euria izan genuen protagonista, ibilbide osoan zehar "lagundu" zigularik. Gizonezkoetan aurreko urteko garaipena berretsiz Rafael Iglesias izan zehen lehena 1:01:11ko denborarekin, Chema Martinez-ekin lehia izan ostean. Goraipatzekoa bestalde Gontzal Sanz arabarraren 3. postua, une batzuetan aurreko bikotearekin bat egitera iritsi zelarik. Emakumezkoetan berriz Maria Lopez de Tejada donostiarra izan zen lehena 1:15:10eko denborarekin.

Gure lagun arteari dagokionez Agirre izan zen lehena, baina Aitor ia-ia denbora berean sartu arren. Hortaz momentuz dortsal horirik ez gure koadrilarentzat. Ostera Endika sartu zen, hauengandik bi minutu ingurura. Gure Endika dagoeneko sekulako maila hartzen ari da eta tentuz ibili beharko dute aurrekaldeko biek egunen batean sorpresa emango baitie. Laugarren postuan Imanol sartu zen, Endikarengandik lau minutura eta sekulako lasterketa eginez. Kontutan hartu dortsal zuriarekin irten zela eta momenturo jendea aurreratuz ibili behar izan zela. Ostera Urki izan genuen helmugan, bere aurreko urteko marka birrinduz. Unai ere ez zen urrun ibili eta datorren urterako biek dortsal berdearekin irteteko aukera izango dute. Lertxundi ere bi dortsalen arteko mugatik hurbil ibili zen, bere aurreko urteetako markak dezente hobetuaz. Neu berriz ordu eta erdi inguruan iritsi nintzen, gustura espero nuen denboretan ibiltzeaz gain lasterketaz uste baina gehiago gozatu bainuen. Olano gure kazetariak ere lasterketa bikaina egin zuen, haseratik erritmoa tinko mantenduz.

Agirre 01:12:16
Aitor 01:12:23
Endika 01:14:23
Imanol 01:18:?? (ez dut web-gunean aurkitu)
Urki 01:22:59
Unai 01:23:59
Lertxundi 01:26:37
Iñigo 01:30:08
Olano 01:36:10

Eta lasterketa ostean onena etorri zen, bazkari ederra egin genuelarik adiskideekin batera eguna borobilduz. Ea hurrengo urtean aurtengo guztioz gain jende gehiago animatzen zaigun!

15 Km Donostiako Klasikoa

Gaur berriro ere herri lasterketen zurrunbiloan sarturik ibili gara, kasu honetan 15 km-ko Donostiako klasikoa egiteko asmoz. Gaurkoan 4000 lasterkaritik gora aritu dira Donostiako kaleetan zehar, hotz eta euriteei aurre eginez. Aipatzekoa batez ere lasterketa hasi aurretiko minutuetan jasan dugun txaparroi demoniozkoa. Garaileak nola ez etiopiarrak izan dira, Hadush Tesfay mutiletan eta Tirhas Enun nesketan.
Gure artean Aitor izan da gizonik azkarrena, aurreko asteko sentsazio txarrei guztiz buelta emanez. Ez da urruti ibili Endika, minutu eskaxera. Ostera Agirre iritsi da, beste norbaiten dortsalarekin korritu duelarik platano eskax bat bakarrik gosalduta (horrekin iada negar egiteko arrazoia ziurtatuz, jaja). Beranduxeago Lertxundi irisi da, 12. kilometrora arte zerbitzari hau gomaz eutsita eraman ostean astindu ederra eman dit azken kilometroetan. Neuk onartu behar dut lasterketa uztekotan eta guzti izan naizela nire tripa barnean nuen burrunba dela eta. Zorionez motelxeago baina arazorik gabe amaitu dut. Bestalde lehen aldiz 15 km-ak egiten zituen Olano iritsi da denbora gutxira, espero zuen denbora hobetuz gainera.
Jarraian sailkapena gehitzen dut gure denborekin (denbora errealak jarri ditut, txipak harturikoak alegia):

12o Aitor 00:54:32
150 Endika 00:55:18
??? Agirre ???????
1123 Lertxundi 01:04:58
1346 Iñigo 01:06:41
1711 Olano 01:09:29

Hemendik gutxira adi egon Aitorren blogera, lasterketako kronika interesgarria gehituko baitu, bere estilo pertsonalaz.

3 Hondartzetako Krossa 2010

Esan liteke gaurko egunez eman zaiola hasera Behobiarako prestakuntzarako azken txanpari. Denok dakizutenez 3 Hondratzetako Krossa dagoeneko klasiko bat bilakatua da eta urtero bezala gaurkoan parte hartze altua izan da, 2700 lasterkarik parte hartu dutelarik. Gure artean Agirre izan dugu bizkorrena eta gainontzekoak gustora aritu gara, norbera bere mailan noski. Endika oso fin ibili da eta Aitor indartsu hasi den arren azkenean behera etorri da. Espero dezagun datozen aste hauetan Aitorrek bere betiko maila berreskuratu ahal izatea eta Behobia ikuskizuna eskaintzeko prest egotea. Imanol berriz oso azkar aritu da, Endikarengandik ez oso urrun, eta honi apustua irabaziz gainera. Urkik berriz konfirmatu du aurtengoan sekula bainan errazago dabilela eta 40 minutuko markatik oso hurbil geratu da. Unai eta ni berriz atzeraxeago geratu gara, baina nik uste biak gustora eginiko denborekin.

Hurrengo proba datorren igandean izango da, 15 km-ko Donostiako Klasikoan. Bertan 4000 korrikalaritik gora espero da, aukera bikaina izango delarik Behobia bidean nola gabiltzan jakiteko. Besterik gabe momentuz zintzilikatu duten sailkapena jartzen dut. Hori bai, ez nago guztiz ziur denbora ofiziala diren edo probisionalak baina beno, ideia bat egiteko ez dago gaizki.

3 Hondartzetako Krossa Sailkapena

Lasterketa denboraldia gertu!

Tituluak dioen moduan herri kross denboraldia hasteko prest dugu iada. Dagoeneko nabaria da jendea motibatzen hasia dela, bakoitzak bere helburuak dituelarik: Behobia, San Silvestrea, Lasartekoa krossa... Nola ez denon aitzakiak ere hasiak dira, neu aurten negartienetakoa naizelarik nire belaun arazoekin. Honen bestez jendea animatzen joateko jarraian datozen lasterketa nagusiak gehitzen dizkizuet zeuen egutegia prestatzen joan zaitezten. Datu guztiak www.lasterketak.com webgunetik atera ditut, oso link interesgarria inguru hauetako datak jakin nahi izan ezkero.

Irailak 11, Larunbata - I. Elgoibarko Herri Krossa 7,000 m
Irailak 12, Igandea - Porrontxo jaietako krossa 6,600 m
Irailak 18, Larunbata - Faro de Plata Igoera 4,200 m
Irailak 19, Igandea - III. Usurbilgo Baxurde Krossa 10,50o m
Irailak 26, Igandea - Joxetxo Imaz Memoriala (Ordizia-Beasain-Lazkao) 10,000 m
Urriak 2, Larunbata - XIV. Zumaiako Zakila Bira 20,000 m
Urriak 17, Igandea - XIV. 15 Km Donostiako Klasikoa 15,000 m
Azaroak 14, Igandea - 46. Behobia-Donostia 20,000 m

Lasarteko Krossaren berririk ez dut aurkitu.

KAMISETA BERRIAK

Hementxe ditugu lehenengo mailako zelaietan zehar defendatuko ditugun elastikak. Hitz egiteko ugari eman dute ezagutzera eman direnetik, beraz, ekar dezagun eztabaida blogera.

Zer iruditzen zaizkizue kamisetak? estilo retroak 80ko hamarkadako arrakastetara bueltatuko al gaitu? Bigarren ekipazioarekin, Etoo edo Militoren fitxaketa gertu ikusten al duzue? ala Astoreren azken txapuza besterik ez da?

Hitz egin dezala herriak!

ED14KT REVIVAL

Futbolaren historian orri asko idatzi dituen taldearen berpizkundea ahalbidetzeko asmoaren berri emateko artikulua duzue hau.

Gogoratzen al duzue talde mitiko hura? Lertxundiren gelditu bikainak, Kaiser Aldasoro eta Zepenbauerren sendotasun defentsiboa, Polen eta Unairen abiadura zorabiagarria, Urki edo Herreroren magia aurrealdean...

Talde hark erakusten zuen kemena eta gogoa ez dira berriz ikusi Donostiako hondartzetan ezta Euskal Herriko futbol zelaietan ere. Berriz ikusteko aukerarik izango ote dugu? Alegia, datorren denboraldian futbol taldea osatzeko jendea animatuko al litzateke?

CHARLIE GOD

Iñigorekin bat etorriz, hau izan liteke gure aurrelari apartaren ezizen berria. Izan ere, bere golekin, kalitatez beteriko hiru gol bikainekin, Errealaren izarrartean bere izena sinatu du ia Carlos handiak.


Tamalez, Betisek gaurko festa erabatekoa ez izatea eragin du eta, bide batez, Buenoren golek ez dute aspaldi Zamorarenak edo Aranbarrirenak izan zuten balio bera izango. Celtaren aurkako partidara arte itxaron beharko dugu lehenengo mailara bueltatu eta Errealaren historian mito berria sortzeko: nork sartuko ote du hiru urtez itxaron dugun gola? Bueno bera ote? Cocoliso partehartzailea agian? edo Elustondo handia?

Edonor dela ere.... AURTEN BAIIII!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Un partido de fútbol realmente extraño*

*El salto del tigre (las matemáticas de la vida cotidiana) liburutik hartua. (185.orrialdea)

"¿Cuál es el partido de fútbol más insólito que se haya disputado? En esa categoría, se me ocurre, hay un único ganador indiscutible, a saber, el infame encuentro entre Granada y Barbados en la Shell Caribbean Cup de 1994. Este torneo tenía una fase de grupos previa a las eliminatorias finales. En el último de los partidos de la fase de grupos, Barbados necesitaba vencer a Granada por dos goles de diferencia con el fin de clasificarse para la siguiente fase. Si no conseguían hacerlo, el clasificado sería Granada. Esto suena muy sencillo, ¿no? ¿Qué podía salir mal?

Por desgracia, la ley de las consecuencias imprevistas se manifestó con auténtica virulencia. Los organizadores del torneo habían introducido una nueva regla con el fin de que los equipos que ganaban en tiempo extra marcando un "gol de oro" no se vieran penalizados en su diferencia de goles: dado que un gol de oro ponía fin al partido, ningún equipo podía ganar por más de un gol en tales circunstancias, lo que parecía injusto. Los organizadores por tanto, decidieron que un gol de oro contaba como dos goles. Pero veamos qué fue lo que paso.

Barbados pronto se puso en cabeza con un 2-0 y parecía avanzar sin esfuerzo hacia la siguiente fase. Pero apenas a siete minutos del final, Granada anotó un tanto para poner el marcador 2-1. Barbados todavía podía clasificarse marcando un tercer gol, pero eso no era tan fácil con tan pocos minutos por delante. Era mejor atacar su propia portería y hacer un gol a favor de Granada para igualar el partido, pues así tendrían la oportunidad de ganar en el tiempo extra con un gol de oro, que, al valer por dos goles clasificaría a Barbados y eliminaría a Granada. Barbados actuó en consecuencia y puso la bola dentro de su propia portería para hacer el 2-2 a apenas tres minutos de la finalización del tiempo reglamentario. Granada se dio cuenta de que con sólo marcar un gol (en cualquier portería) avanzaría a la siguiente fase, de modo que atacaron su propia meta para conseguir ese gol que les haría perder el partido pero les permitiría pasar por diferencia de goles. Sin embargo, Barbados defendió con firmeza la portería de Granada y consiguió evitar el gol, con lo que el partido se fue a tiempo extra. En la prórroga, los jugadores de Barbados sorprendieron a sus adversarios atacando la portería de Granada y marcaron el gol de oro que les daba la victoria en los cinco primeros minutos. Si no me creen, pueden verlo en Youtube"

http://www.youtube.com/watch?v=ThpYsN-4p7w

Zepe joko arau zaleari gustatuko zaiolakoan

euskal herriko itzulia 2010

Joaquim Rodriguezek (Katuxa) irabazi du Euskal Herriko Itzuliko bortzgarren eta azken aurreko etapa, Eibar (Gipuzkoa) eta Orio (Gipuzkoa) artean. Samuel Sanchez (Euskaltel) izan da bigarren, hamalau segundora. Alejandro Valverde (Caisse d'epargne) eta Christopher Horner (RadioShack) Sanchezekin batera helmugaratu dira. Valverdek arazorik gabe eutsi dio elastiko horiari.

Gaurko ibilbideak 170 kilometro zituen, tartean sei mendaterekin: erdiak bigarren mailakoak, eta bertze erdiak hirugarrenekoak. Etaparen une erabakigarria azken kilometroetan Aiara egin beharreko bi igoeretan egon da. Lehenbizikoaren oinetara hamar laguneko taldea ailegatu da. Haien artean zegoen Euskalteleko Amets Txurrukak bakarrik egin du aitzinera, eta bera pasa da lehenbiziko igoeran lasterketa buruan. Jaitsieran, ordea, erori egin da, eta hortik helmugara haren gibeletik zetorren Rodriguezek eutsi dio lasterketa buruari.




Samuel Sanchezentzako bizikleta aldaketa. Ondoan beste Orbea bat eta Schleckentzat ere bai.


Gaurko irabazlea! Zorionak Joaquim!


Robert Gesink sufritzen




Oscar Freire nahiko ondo, argazkian guapo atera nahian edo taldekide bila.

UDABERRIKO LASTERKETA

Beste behin, koadrilla kirolaria dugula argi utziz, hainbat lagun izan dira gaurko Udaberriko lasterketan parte hartutakoak. Eguraldia, euritsua eta 10º ingurukoa, badirudi mesedegarria izan dela zenbaitentzat, gure gaurko protagonistek pozik egoteko denborak egin baitituzte.

8. AITOR ERREGERENA REDONDO 0:33:31

10.JON AGIRRE DORRONSORO 0:33:38

59. ENDIKA ERREGERENA REDONDO 0:36:22

228. IÑIGO HERRERO EMEZABAL 0:41:01

292. ENEKO URKIOLA FABREGA 0:42:38

389. UNAI REZABAL VILLAVERDE 0:44:21

421. JULEN LANDA ETXEBERRIA 0:45:22

529. XABIER CEBERIO ALBERDI 0:46:52

539. ALEX ZABALZA DORRONSORO 0:47:05

Hor dijoaz gaurko lasterketako argazki batzuk.



Bueno, ta orain nire argazkitxo batzuk ere gehitzen dizkizuet, exotismo pixka bat emateko albisteari. Egia esan ez dut batere aurpegi onik baina beno, zentsuraren aurka nagoenez horra hor zuentzat.

Salamanca - Real Sociedad

Igande honetan Errealak partidu garrantzitsua du Salamancan. Bertan irabazita lehen mailarako bidean aurrerapauso nabarmena emango luke eta datozen partidu zailei begira konfiantza handia eskuratuko luke. Norgehiagokaren baldintzak ezin hobeak dira: Lasartek dagoeneko Xabi Prieto zein Zurutuza eskuragarri izango ditu eta gainera 2.000 errealzaletik gora espero dira Salamancan. Ea taldeak dagokion maila eman eta partidua aurrera ateratzen duen.

Bidaiatu behar ez duzuenontzat esan partidua bihar 17:00tan GolTV-en ikusgai izango dela.

Murcia - Real Sociedad

Gaur arratsaldeko 18:00tan Errealak azken bi partidutako martxari buelta emateko aukera izango du Murtzian. Aurkaria jeitsiera postuetan egon arren gogotsu aterako da aurreko partidan Nastic-i irabazi ostean. Erreala berriz Xabi Prieto-ren hutsuneaz ahazten saiatuko da. Ikusi egin behar zein hamaikako aurkezten duen Lasartek.

Bestalde badakit partidua ETBn ikusi ahalko dela baina zenbaitek eskatu didatenez programa bat aurkeztuko dizuet etorkizunean JustinTV-ko partiduak arazorik gabe ikusteko. Izan ere badakizute webgune honetan jende asko sartzen bada partidua ikustera momentu batean mezu bat agertzen da, partidua ikusten jarraitzea debekatuz. Arazo hau ekiditeko ultrasurf programa erabili daiteke. Programa honen bitartez webguneak ez du gure IP-a identifikatzen eta hortaz ez gaituzte partidutik "botako".

Lagungarri izango zaizuelakoan agur bero bat Wroclaw-etik.

PD: irudia Pesetas-en jarraitzaile guztiei zuzendua.

GORA DONOSTIA!

Alde zaharrean zaudetenontzat,

alde zaharretik kanpo zaudetenontzat,

momentu hauetan mozkortzen ari zaretenontzat,

biharko resakarentzat,

ikasten gaudenontzat,

atzerrian gaudenontzat,

danborra jotzen atera zeraten, aterako zeraten, edota etxean jo eta joko duzuenontzat,

festaz gozatu dezaketen eta ezin dezaketenentzat,

gure Bilboko bizilagun maiteentzat,

GORA DONOSTIA!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Folk musika pixkat

Ikusita aspaldian ezer gutxi idazten dela hemen musika gomendio bat egitera animatzen naiz. Hona dakarren tipo hau kasualitatez topatu dut. Gauza da Mark Knopfler-ek baduela eskoziar folk istrumentalista bat, John McCusker izenekoa. Behin irakurri nuen honek bazuela disko oso gomendagarri bat, Under One Sky deritzona. Bertan eskoziako folk musikari ugari bildu ziren zelta soinuz beteriko albuma grabatzeko. Jarraian hemengo abesti pare bat eta webgunearen linka jartzen dizuet, non diskoko kantu gehienak entzun ahalko dituzuen.

Under One Sky



Lehen bideoan agertzen den abeslaria bestalde Roddy Woomble eskoziarra da. Abeslari gazte hau lurralde haietan ospetsu da Idlewild taldeko bokalista izateagatik. Nik ordea talde honen musika baina bere bakarkako lana dut gustoko. Hain zuzen 2006an plazaratu zuen My secret is my silence diska. Hemen ere folk musikaren kutsua nabarmena da eta neri asko gustatu zait entzun nuen lehen alditik. Jarraian ere bertako abesti pare bat luzatzen dizkizuet entzun ditzazuen.




Ea zuek ere animatzen zareten eta honelako gomendioak egiten dituzuen. Badakit hala ere azterketa garaia dela askorentzat hortaz animoak eta ea musika honekin zuen ikaste momentuak gozatzerik ditudan.