Antonio Puerta Sevilla taldeko jokalaria hil da

Egun batzuk UCI-n egon ondoren, gaur arratsaldeko 14:30tan hil da 22 urte dituen Antonio puerta. Larunbat gauean jokatzen ari zen partiduan, lehenengo bihotzekoak eman zion zelaian bertan baina berriz errekuperatu eta aldageletara eraman zuten, han, beste bihotzeko bat eman ziolarik. Larritasuna ikusiaz erietxera eraman zuten eta zuzenean UCI-ra eraman zuten. Bertan 3 egun pasa ondoren eta larritasunetik hobetzen zihoan bitartean, hil egin da. Partidu batean 22 urteko pertsona bati bihotzekoa emateko dagoen probabilitatea 1/200.000 koa da. Baina orain dela 6 hilabete beste bihotzeko bat eman zion eta oraindela urtebete ere. Hiltzearen arrazoia, buruan eragin diola bihotzekoak, zehazki entzefaloan eta "encefalopatía postanóxica"-rengatik izan da.
Lehen mailako jokalaririk onenetakoa izateko aukera asko zituen, izan ere, 22 urte besterik ez zituen eta Sevilla taldearekin garaipen asko lortu ditu: 2 UEFA txapelketa, Europako superkopa, Espainiako superkopa bat eta Errege kopa bat.

Goian bego

Arautu da porra

Hau da gaur arratsaldean arautu dugun porra:
Jardunaldiro hiru partidu sartuko dira porran. Hauetako biren emaitza konkretua asmatu behar da eta hirugarrenaren emaitza (1 x 2).
Printzipioz adostu ditugun taldeak:
- Realaren partidua
- Athletic-en partidua*
- CANAL + ekoa (hau izango da 1X2 eran erabakiko den partidua)**

* Athletic-en partidua C+en bada lehen mailako ligako liderraren partiduak kontatuko luke.
**C+en bi talde hauek jokatuko balute, ligako bigarrenaren partidua izango litzateke porran sartuko litzatekeena.

Lehen Mailan ligarik egon ezean, bigarren mailako euskal taldeen partiduak hartuko lirateke eta hauen artean jokatuko balute (2. jardunaldia kasu), Celtaren partiduak kontatuko luke.
- Reala
- Eibar
- Alaves
- (Celta)

--> Asteburu bakoitzean 2 euro jartzea erabaki dugu, baina jende gehiegik protesta egin ezkero, euro batera jeitsi dezakegu, aurretik hitzeginda.

--> Dirua pertsona batek jaso behar du. Jardunaldi batean norbaitek ordainduko ez balu, hurrengoan bikoitza ordaindu behar du.

--> Emaitzak jardunaldiko lehen partidua baino lehenago jarri beharko dira lokalean egongo den kartulinan. Horretarako, lokaletik pasa beharko dezute apuntatzera eta ostera, emaitza jartzera. Bihar jarriko da kartulina lokalean nahi duenak apuntatzeko.

--> Pertsona ezberdinek apostu berbera egin dezakete. Irabazi ezkero, irabaziak banandu beharko lituzkete.

--> Aste batzuk pasa ondoren, porran sartu nahi duenak ordurarte norberak jarritako diru kopuru berdina jarri beharko du porran parte hartzeko.

--> Oraingoz apuntatuak daudenak hauek dira:
Mista, Niko, Etxebe, Jokin, Toki, Topo, Mozto, Aitor E., Endibias, Gorka, Punzz

Arazorik izan ezkero, komentatu eta beharrezkoak diren aldaketak egingo dira.

Porra kuadrilan!

Denboraldi berriak itxura beldurgarria duenez zer hobe porra bat baino giroa nolabait berotzeko asmoz. Gaur lokalean aipatu da porra berri bat martxan jartzea lehen jardunaldiarekin batera. Ideia hasera batean Errealaren eta beste bi talderen partiduen emaitzekin jokatzea da, aste bakoitzean euro bat edo bi jarriaz. Honegatik blogzaleak animatu nahi ditugu zein talde sartu behar diren erabakitzeko eta zenbat diru jartzeko prest egongo ziren aipa dezaten.

Erreala larunbatean aurkeztu zen

2007-08 denboraldi honetarako Realaren aurkezpen ofiziala Anoetako estadioan ospatu zen larunbatean. Urteroko gertakizuna10,30tan hasi zen eta ez zuen jende gehiegirik mugitu, 1500 inguru. Honek zergati pisua badauka, alde batetik aurreko urteko denboraldia eta bestetik, egindako aurredenboraldiak ez dute asko animatzen...

Ekitaldia harrobiko talde txuri urdinen aurkezpenarekin hasi zen eta jarraian lehen taldeko jokalari eta teknikariak izan ziren aurkeztuak. Aranburu kapitainak hartu zuen hitza, jarraitzaileei laguntza eskatuz eta partidu denetara joateko, ondoren entrenatzailean txanda izan zen eta azkenik Maria de la Peña Presidentak hitz egin zuen. Amaitzeko, lehen taldeak entrenamendua burutu zuen.

Aurkezpenean aurpegi berri bakar bat egon zen, Delibasic-ena hain zuzen ere, bestalde, David Vaughan ostiralean iristekoa baita eta momentuz, ez du igandean Castello-ren aurka jokatuko. Aurkezpenean egon ez zen beste jokalari bat Rivas izan zen. Jokalari honek egun batzuk atzera Cadiz taldean utzita jokatuko duelako urtebetez. Aipatzekoa da, Cifu aurkezpenean egon zela baina egun berdinean Valladolid taldeagatik fitxatu zuela. Beraz, aldaketa hauen ondorioz eta gazte batzuen etorrerarengatik, horrela geratu da momentuz 2007-2008 denboraldiko errealaren taldea:

Atezainak: Riesgo eta Bravo.
Atzelariak: Labaka, Gerardo, Mikel Gonzalez, Victor Lopez, Castillo, Ansotegi, Carlos Martinez, Castillo.
Erdilariak: Xabi Prieto, Garitano, Novo, Stevanovic, Estrada, Larrea, Elustondo, Markel Bergara, David Vaughan.
Aurrelariak: Morten Skoubo, Gari Uranga, Diaz de Cerio eta Delibasic.

Igandean dute ligako lehenengo partidua eta aste guztia daukate hobetzeko eta denboraldiko lehen garaipena lortzeko, ea horrela gertatzen den. Partidua igandean arratsaldeko 7tan da Anoetako estadioan Castello-ren aurka.

Abordaia 2007

Atzokoan bostgarren urtez abordaia burutu zen Kontxako badian. Bertan parte hartu genuenok festa giro ederra bizi izan genuen eta nolabait jai herrikoiago batzuen aldarrikapena egin zen. Aurtengoan ere baltsa kopuru ikaragarria izan zen portuan, goizean goizetik montatuak izan zirenak. Ostera bazkaria izan genuen Trinitate plazan, bertan paeila goxo batetaz gozatu ahal izan genuelarik.
Azkenik portura abiatu ginen eta arraultz guda gogor baten ostean uretaruntz abiatu ginen. Esan beharra dago gure baltsa (la balsa de Eliancito deitua) haseratik hondatua izan zela neska tentel baten erruz. Hori gutxi balitz zerbitzari batek azken kolpea eman zion kaitik atera eta denbora gutxira. Handik aurrera bakoitzak ahal zuena egin zuen eta badirudi guziak iritxi ginela.
Iragandakoaren adierazgarri honako irudiok: