Erreala larunbatean aurkeztu zen

2007-08 denboraldi honetarako Realaren aurkezpen ofiziala Anoetako estadioan ospatu zen larunbatean. Urteroko gertakizuna10,30tan hasi zen eta ez zuen jende gehiegirik mugitu, 1500 inguru. Honek zergati pisua badauka, alde batetik aurreko urteko denboraldia eta bestetik, egindako aurredenboraldiak ez dute asko animatzen...

Ekitaldia harrobiko talde txuri urdinen aurkezpenarekin hasi zen eta jarraian lehen taldeko jokalari eta teknikariak izan ziren aurkeztuak. Aranburu kapitainak hartu zuen hitza, jarraitzaileei laguntza eskatuz eta partidu denetara joateko, ondoren entrenatzailean txanda izan zen eta azkenik Maria de la Peña Presidentak hitz egin zuen. Amaitzeko, lehen taldeak entrenamendua burutu zuen.

Aurkezpenean aurpegi berri bakar bat egon zen, Delibasic-ena hain zuzen ere, bestalde, David Vaughan ostiralean iristekoa baita eta momentuz, ez du igandean Castello-ren aurka jokatuko. Aurkezpenean egon ez zen beste jokalari bat Rivas izan zen. Jokalari honek egun batzuk atzera Cadiz taldean utzita jokatuko duelako urtebetez. Aipatzekoa da, Cifu aurkezpenean egon zela baina egun berdinean Valladolid taldeagatik fitxatu zuela. Beraz, aldaketa hauen ondorioz eta gazte batzuen etorrerarengatik, horrela geratu da momentuz 2007-2008 denboraldiko errealaren taldea:

Atezainak: Riesgo eta Bravo.
Atzelariak: Labaka, Gerardo, Mikel Gonzalez, Victor Lopez, Castillo, Ansotegi, Carlos Martinez, Castillo.
Erdilariak: Xabi Prieto, Garitano, Novo, Stevanovic, Estrada, Larrea, Elustondo, Markel Bergara, David Vaughan.
Aurrelariak: Morten Skoubo, Gari Uranga, Diaz de Cerio eta Delibasic.

Igandean dute ligako lehenengo partidua eta aste guztia daukate hobetzeko eta denboraldiko lehen garaipena lortzeko, ea horrela gertatzen den. Partidua igandean arratsaldeko 7tan da Anoetako estadioan Castello-ren aurka.

Abordaia 2007

Atzokoan bostgarren urtez abordaia burutu zen Kontxako badian. Bertan parte hartu genuenok festa giro ederra bizi izan genuen eta nolabait jai herrikoiago batzuen aldarrikapena egin zen. Aurtengoan ere baltsa kopuru ikaragarria izan zen portuan, goizean goizetik montatuak izan zirenak. Ostera bazkaria izan genuen Trinitate plazan, bertan paeila goxo batetaz gozatu ahal izan genuelarik.
Azkenik portura abiatu ginen eta arraultz guda gogor baten ostean uretaruntz abiatu ginen. Esan beharra dago gure baltsa (la balsa de Eliancito deitua) haseratik hondatua izan zela neska tentel baten erruz. Hori gutxi balitz zerbitzari batek azken kolpea eman zion kaitik atera eta denbora gutxira. Handik aurrera bakoitzak ahal zuena egin zuen eta badirudi guziak iritxi ginela.
Iragandakoaren adierazgarri honako irudiok:

DE GRAAFSCHAP 3 - 0 REAL SOCIEDAD

Errealak 3-0 galdu du gaur arratsaldeak jokaturiko lagunarteko partidan De Graafschap-en aurka. Hasieratik joan da talde donostiarra galtzen izan ere 7. minutuan jaso du lehenengo gola area txikian nahaste baten ondorioz. Eta nahiz eta bi taldeen partetik ez dituzten aukera gehiegirik izan, penalti estu baten ondorioz 2-0eko markagailua jarri dute etxekoek. Bigarren zatian realaren jokoa pixka bat hobetu da baina hobekien jokatzen ari zen momentuan iritsi da partidua bukatutzat eman duen gola. Bukaeran 3-0eko emaitza eta realak nahiko itxura kaxkarra emanez ekingo dio Holandan jokatuko duten azken partiduari.
Aipatzekoa da Delibasic-ek lehenengo hamaikakoan sartu duela Coleman-ek baina ez duela gauza handirik egin.

Hamaikakoak:

DE GRAAFSCHAP: Sessem; Schuurman (De Groot, m. 71), Keller, Volmer, Van Peppen, Hese (Robbemond, m. 75), Jonson (Meijer, m. 68), Vidarson, Tarvajarvi (Bus, m. 71), Schone (Van der Ouweland, m. 75), Powel.

REAL SOCIEDAD: Bravo; Cifu (Gerardo, m. 45), Ansotegi (Labaka, m. 61), Mikel González (Víctor López, m. 61), Castillo (Sarasola, m. 61); Garitano (Rivas, m. 74); Larrea (Estrada, m. 74), Novo (Stevanovic, m. 74), Markel Bergara (Xabi Prieto, m. 74); Oskitz (Skoubo, m. 74), Delibasic (Díaz de Cerio, m. 60).

Golak: 1-0: Tavajarvi (7.m). 2-0: Powel-ek penaltiz (39.m). 3-0: Vidarson (56.m).

Gaur eguerdian aldiz, realak Holandan jokatuko duen azken partidua izango da Willem II taldearen aurka eta ematen duenez, Coleman-ek hamaikakoan aterako dituen jokalariak seguraski ligako lehenengo partiduan jokatuko dutenak izango direla esan du entrenatzaile galestarrak. Beraz, gaurkoa ikustean jakingo dugu zeintzuk izango diren ligako lehen partiduan Castello-ri irabaziko diotenak...

Futbolzaleak Jaizkibelen egon zen

Atzo ospatu zen Donostiako Klasikan Bertagnolli izan genuen garaile. Ezin ahaztu dezakegu Juanma Garateren bigarren postua ezta Valverde (Piti) jaunaren hirugarren postu trixtea. Goraipatu berriro ere Mikel Astarlozaren ekimena, bai lasterketan zehar eta baita ostera Oiartzuna parrandara joatean.
Zaletuoi dagokienean egun ederra pasa genuen eta giroa aparta izan zen Jaizkibelgo igoeran. Bertan beroa izan genuen areriorik latzena, hau dela eta igoera benetan gogorra bilakatu zelarik eta Monsieur Mazók ez zuen huts egin. Jarraian argazki batzuk gehitzen ditut, espero dut zeuen gustoko izatea.

Larunbat honetan Donostiako Klasika

Txirrindularitzaren jarraitzaleok urtero moduan zita bat dugu datorren larunbat honetan Donostiako Klasikarekin. Aurtengoan gainera aste bat aurreratua izan da eta ikusi beharko da txirrindulariak zelako sasoian agertuko diren. Guk geure aldetik urtero moduan Jaizkibelgo mendatera abiatuko gara kirol pixka bat egin eta kirolariak animatzeko asmoz. Hortaz animatu zaitezte!